ԱՄՆ-ում նավթի պաշարների անկումը հանգեցրել է «սև ոսկու» գնաճի

Այսօր ԱՄՆ-ում պաշարների նվազման հետևանքով նավթի գները բարձրանում են։

Brent տեսակի նավթի սեպտեմբերյան ֆյուչերսների գինն աճել է 0.21% -ով՝ մեկ բարելի դիմաց մինչև 42,12 դոլար: WTI տեսակի նավթի օգոստոսյան ֆյուչերսներն աճել են 0,13% -ով՝ հասնելով մեկ բարելի դիմաց 39,87 դոլարի. հայտնում է РИА Новости- ն:

Նախօրեին ԱՄՆ էներգետիկայի նախարարությունը հաղորդել էր, որ երկրում հումքի առևտրային պաշարները (բացառությամբ ռազմավարական պահուստի) հունիսի 26-ին ավարտված շաբաթվա ընթացքում նվազել են 7,2 միլիոն բարելով կամ 1.3 տոկոսով՝ հասնելով 533,5 միլիոն բարել:

Այնուամենայնիվ, կորոնավիրուսի տարածումը շարունակում է ճնշում գործադրել գների վրա: Ներդրողները վախենում են, որ հիվանդության նոր բռնկումները և հարակից կարանտինային միջոցառումները կդանդաղեցնեն վառելիքի պահանջարկի վերականգնումը: