ԱՄՆ կոնգրեսականները հավանություն են տվել ոստիկանության բարեփոխման օրինագծին

ԱՄՆ կոնգրեսի Ներկայացուցիչների պալատը, որտեղ մեծամասնություն են կազմում դեմոկրատները, հունիսի 25-ին ընդունել է օրինագիծ ոստիկանության բարեփոխման վերաբերյալ. գրում է Reuters-ը։

Մասնավորապես, նախագծի ընդունմանը կողմ է քվեարկել 236 կոնգրեսական, իսկ դեմ՝ 181-ը։ Այժմ նախաձեռնությունը կուղարկվի Սենատ, որտեղ մեծամասնությունը հանրապետականներն են։

Դեմոկրատները նախաձեռնել են բարեփոխումը՝ երկրում ռասիզմի և ոստիկանական կամայականության դեմ զանգվածային ցույցերից հետո։

Ըստ օրինագծի՝ արգելվում է ձերբակալության ժամանակ խեղդող հնարքի գործածումը. այն նախատեսում է իրավապահների կողմից ուժի կիրառման դեպքում քաղաքացիական հայցերի քննում։ Բացի այդ, ոստիկանությունում մարդկանց աշխատանքի կընդունեն միայն ողջ կենսագրությունն ուսումնասիրելուց հետո։