Թուրքիայի հարավ-արևելքում Իրանի տարածքից հրետակոծության զինծառայող է զոհվել

Իրանից հրետակոծության հետևանքով Թուրքիայի Հաքքարիի շրջանի հարավարևելյան նահանգում մեկ թուրք զինծառայող է զոհվել, մեկը վիրավորվել. հայտնում է Թուրքիայի պաշտպանության նախարարությունը:

«Հունիսի 23-ին Հաքքարիի նահանգի Յուքսեքովայի սահմանամերձ շրջանում հետախուզական և դիտորդական գործողությունների ընթացքում մեր մարտական ընկերներից երկուսը վիրավորվել են Իրանի կողմից հրետակոծման հետևանքով: Նրանցից մեկի կյանքը չի հաջողվել փրկվել», - ասվում է հայտարարության մեջ:

Չորեքշաբթի իրաքյան «Շաֆաք» լրատվական գործակալությունը, վկայակոչելով տեղական վարչակազմի աղբյուրներին, հաղորդել է, որ իրանական հրետանին ռմբակոծել է Իրաքի Քուրդիստանի ինքնավար շրջանի Էրբիլ նահանգի մի գյուղ: