Հնարավոր է՝ ԵՄ-ն սահմանները փակ թողնի Ռուսաստանի, ԱՄՆ-ի և Բրազիլիայի համար

Բրյուսելում հուլիսի 1-ից արտաքին սահմանների մասնակի բացման նախաշեմին փաստաթուղթ է նախապատրաստվում, որում կարող են նշվել մի շարք երկրների քաղաքացիների համար նախատեսված սահմանափակումները. այս մասին հայտնում է The New York Times-ը, նշելով՝ Ռուսաստանում, ԱՄՆ-ում և Բրազիլիայում կորոնավիրուսի հետ կապված շարունակվող անբարենպաստ իրավիճակի պատճառով ԵՄ-ն կարող է այդ երկրների քաղաքացիների մուտքը մերժելու որոշում կայացնել:

ԶԼՄ-ի տեղեկություններով՝ COVID-19-ի հետ կապված անբարենպաստ պայմաններ ունեցող երկրների ցանկում են Չինաստանը, Ուգանդան, Կուբան և Վիետնամը:

Այս պահին փաստաթուղթը դեռևս հաստատված չէ: Վերջնական տարբերակը կհայտնվի այս շաբաթ: Ընդ որում, Եվրահանձնաժողովը մշտապես կհետևի տեղեկատվությանը և անհապաղ թարմացումներ կմտցնի ցուցակում: