ՀՀ պաշտպանության նախարար Դավիթ Տոնոյանը մեկնել է Մոսկվա

Հունիսի 24-ին Մոսկվայում կայանալիք Հայրենական մեծ պատերազմում տարած հաղթանակի 75-ամյակին նվիրված զորահանդեսին մասնակցելու նպատակով, ՀՀ պաշտպանության նախարար Դավիթ Տոնոյանը ՌԴ պաշտպանության նախարար Սերգեյ Շոյգուի հրավերով այսօր մեկնել է Մոսկվա: Այս մասին Yerkir.am-ին տեղեկացնում են ՀՀ ՊՆ-ից։

Նշենք, որ ՀՀ ԶՈւ խորհրդանշական 75 հոգանոց զորախումբ է մեկնել Մոսկվա՝ մասնակցելու Հայրենական մեծ պատերազմի հաղթանակի 75-ամյակին նվիրված զորահանդեսին։ 

Հիշեցնենք, որ կորոնավիրուսով պայմանավորված Հայրենական մեծ պատերազմում տարած հաղթանակի 75-ամյակին նվիրված զորահանդեսը մայիսի 9–ին չանցկացվեց։ Այն կկայանա հունիսի 24–ին։