Թուրքական կործանիչները ռմբակոծել են հյուսիսային Իրաքի քրիստոնեական գյուղերը

Թուրքական պետության ցեղասպան հարձակումները՝ միջազգային նորմերի խախտմամբ շարունակվում են։ Հունիսի 21-ին Fırat գործակալությունը հայտնել է, որ թուրքական կործանիչներ ռմբակոծել են Իրաքի հյուսիսում գտնվող Իսիվ Ավա գյուղը, որը Հաֆթանին շրջանի քրիստոնեական գյուղերից է։

Ռմբակոծության հետևանքով բարեբախտաբար զոհեր չկան, սակայն բնակիչներին պատճառվել է մեծ քանակությամբ նյութական վնաս։

Հիշեցնենք, որ հունիսի 15-ին Թուրքիան նոր ռազմական գործողություն է ձեռնարկել Իրաքի հյուսիսում՝ Քուրդիստանի աշխատավորական կուսակցության դեմ։ Բազմաթիվ պետություններ քննադատել են Թուրքիայի գործողությունները արաբական պետության տարածքում, սակայն Թուրքիան ավելի ինտենսիվորեն է այնտեղ ռազմական գործողություններ իրականացնում՝ խախտելով Իրաքի ինքնաշխանությունը։