Զելենսկին սպառնում է դատի տալ Իրանին

Ուկրաինայի նախագահ Վլադիմիր Զելենսկին Իրանին սպառնացել է միջազգային դատարաններով՝ ուկրաինական խոցված ինքնաթիռի համար իր պարտավորությունները չկատարելու դեպքում: Այս մասին Ուկրաինայի առաջնորդը հայտնել է կանադական The Globe and Mail պարբերականին տված հարցազրույցի ժամանակ։

Ուկրաինայի ղեկավարը նշել է, որ հույս է դնում իրանական իշխանությունների վրա՝ կատարվածից հետո տրված խոստումները կատարելու համար: Այսպես, Զելենսկին ակնկալում է ոչ միայն սև արկղերի վերադարձը, այլև փոխհատուցումը, ինչպես նաև Իրանի կողմից պաշտոնապես ներողության հայցում. հայտնում է Lenta.ru- ն:

«Հակառակ դեպքում մենք այլ ելք չենք ունենա, և նրանք գիտեն մեր դիրքորոշումն առ այն, որ կդիմենք միջազգային դատարան», - ասել է Զելենսկին:

Ավելի վաղ, Իրանի իշխանությունները հրաժարվել էին հունվարին Թեհրանի մերձակայքում խոցված ուկրաինական Boeing 737 սև արկղերը ուղարկել Ուկրաինա: Նման քայլի պատճառը Կիևի կողմից Թեհրանին թռիչքների ձայնագրիչների հանձնման ձգձգումն է: Սև արկղերը, ամենայն հավանականությամբ, կուղարկվեն Ֆրանսիա: