Եվրո-2020-ի հաջորդ տարվա առաջնությունը կանցկացվի 12 քաղաքներում

Ֆուտբոլի Եվրոպայի հոբելյանական առաջնությունը, որը հետաձգվել էր մեկ տարով, կանցկացվի 12 քաղաքներում, ինչպես պլանավորված էր նախապես: Այս մասին պաշտոնապես հայտարարել է ՈՒԵՖԱ-ի մամուլի ծառայությունը:

Եվրո-2020-ը մեկ տարով հետաձգվել էր կորոնավիրուսի պանդեմիայի պատճառով: Բոլոր հյուրընկալող քաղաքները տվել են իրենց համաձայնությունը հաջորդ տարվա համար:

Եվրոպայի առաջնության 60-ամյակի կապակցությամբ մրցաշարը կանցկացվի 12 քաղաքներում` Լոնդոնում, Մյունխենում, Սանկտ-Պետերբուրգում, Բաքվում, Հռոմում, Բուխարեստում, Դուբլինում, Կոպենհագենում, Բիլբաոյում, Գլազգոյում, Բուդապեշտում և Ամստերդամում: Այն կմեկնարկի 2021 թվականի հունիսի 11-ին և կեզրափակվի հուլիսի 11-ին: