Պեկինի շուկայում ի հայտ եկած կորոնավիրուսն ավելի վարակիչ է, քան Ուհանում հայտնաբերվածը․վիրուսաբան

Պեկինի մեծածախ շուկայի աշխատակիցների մոտ հայտնաբերված կորոնավիրուսն ավելի վարակիչ է, քան Ուհանի շուկայում հայտնաբերվածը. այս մասին ասել է Ուհանի համալսարանի վիրուսաբան Յան Չժանցյուն, գրում է Global Times-ը։

Ըստ նրա՝ Պեկինում հայտնաբերված տեսակը նման է Եվրոպայում տարածվող վիրուսին, և ըստ ամենայնի, այն Չինաստան է բերվել եվրոպական որևէ երկրից։

Գիտնականի խոսքով՝ վերջին 4 օրում Պեկինում վարակվել է 79 մարդ, ինչը վկայում է վիրուսի արագ տարածման մասին։

Նրա պնդմամբ՝ վիրուսի տարբեր գենոտիպերը կարող են պատվաստանյութը դարձնել քիչ արդյունավետ կամ ընդհանրապես անարդյունավետ, ինչը մշակման գործում հավելյալ դժվարություններ է ստեղծում։