Վրաստանում մեկ օրում հայտնաբերվել է կորոնավիրուսով վարակման 8 նոր դեպք

Վրաստանում հայտնաբերվել է կորոնավիրուսով վարակման 8 նոր դեպք, 5 մարդ ապաքինվել է եւ տուն ուղարկվել. հայտնում է apsny.ge-ն: Տվյալները վերցված են StopCov կառավարական կայքից:

Վրաստանում փետրվարի 26-ից հունիսի 13-ը լաբորատոր ստուգմամբ հաստատված է  կորոնավիրուսով վարակման 851 դեպք: Կորոնավիրուսային վարակի հետեւանքներից մահացել է 13 մարդ: Ապաքինվածների ընդհանուր թիվը 702 է:

Ներկայումս Վրաստանի հիվանդանոցներում բուժումը շարունակում է 136 մարդ: Կարանտինում է շարունակում մնալ 3 026 մարդ, իսկ ստացիոնարներում բժիշկների հսկողության տակ՝ 297:

Վրաստանի Հիվանդությունների վերահսկման եւ հանրային առողջության ազգային կենտրոնի տվյալներով՝ հունիսի 12-ի դրությամբ անցկացվել է կորոնավիրուսի ախտորոշման 72,1 հազար ՊՇՌ թեստ: