Էրդողանը փոխել է Թուրքիայի նահանգների կեսի ղեկավարներին

Թուրքիայի նախագահ Ռեջեփ Թայիփ Էրդողանը հրամանագիր է ստորագրել Թուրքիայի 41 նահանգներում նոր նահանգապետեր նշանակելու մասին: Համապատասխան փաստաթուղթը հրապարակվել է չորեքշաբթի օրը կառավարության պաշտոնական տեղեկագրում՝ Resmi gazete-ում:

Համաձայն հրամանագրի՝ 23 նահանգապետ փոխել է նահանգը, իսկ 18-ը՝ փոխարինվել: Գավառների 17 նախկին ղեկավարներ հետ են կանչել աշխատելու կենտրոնական վարչակազմում: Մուղլայի նախկին նահանգապետ Էսենգյուլ Ջիվելեքը նշանակվել է նախագահի գլխավոր խորհրդական:

Փոխվել են նաև այնպիսի նահանգների ղեկավարները, ինչպիսիք են Իզմիրը, Անթալիան, Քոնիան և Դիարբեքիրը:

Երկիրն ընդհանուր առմամբ ունի 81 նահանգ: