Ահաբեկչական հարձակում Վանում. սպանվել են շինարարական ընկերության աշխատակիցները

Թուրքիայում տեղի ունեցած ահաբեկչական հարձակման արդյունքում երկու քաղաքացի է զոհվել. այս մասին հայտնում է Anadolu գործակալությունը:

Ըստ ԶԼՄ-ների՝ դեպքը տեղի է ունեցել երկրի արևելքում գտնվող Վան նահանգում: Պայթեցվել է շինարարական ընկերության մեքենա։ Բացի մահացածներից՝ 8 մարդ վիրավորվել է, նրանք հոսպիտալացվել են:

Մարզային իշխանությունները շտապել են մեղադրել «Քուրդստանի աշխատավորական կուսակցությանը» (PKK) կատարվածի համար, բայց ոչ մի խմբավորում դեռևս պատասխանատվություն չի վերցրել հանցագործության համար:

Հիշեցնենք, որ ավելի քան 30 տարի քուրդ ապստամբները պայքարում են կառավարության դեմ՝ երկրի ներսում սեփական ինքնավարություն ստեղծելու համար: Երկար տարիների ընթացքում մահացել է ավելի քան 40 հազար մարդ: