Թուրքիան ստանձնել է Նախիջևանի գազի մատակարարումը

Թուրքիայում պետական նավթագազային BOTAŞ ընկերությունը հայտարարել  Նախիջևանում գազատարի կառուցման մրցույթ. հայտնում են թուրքական ԶԼՄ-ները:

Հաղորդվում է, որ մրցույթին մասնակցելու համար հայտերը ընդունվելու են մինչև այս տարվա հունիսի 30-ը: Խողովակաշարի ընդհանուր երկարությունը կկազմի 82 կմ: Մրցույթի հաղթողը պետք է ավարտի շինարարությունը 270 օրվա ընթացքում:

Նշենք, որ այս գազատարի կառուցման մասին համաձայնագիրը ստորագրվել է 2010 թ.։ Թուրքիայի նախագահ Ռեջեփ Թայիփ Էրդողանը շինարարության մեկնարկի մասին հայտարարել է այս տարվա փետրվարին Բաքու կատարած իր այցի ընթացքում:

«Նախիջևանը, որի գազի կարիքները բավարարվում է իրանական գազի հաշվին, այս նախագծի իրագործումից հետո կստանա այլընտրանքային գազի աղբյուր Թուրքիայից», - հայտարարել էր Թուրքիայի ղեկավարը: