Վրաստանում դիմակներ չկիրառելու համար կտուգանվեն գրեթե 10 դոլար

Փակ տարածքներում պաշտպանիչ դիմակներ չօգտագործելու համար Վրաստանի քաղաքացիները կտուգանվեն: Բայց, ոչ թե 50 լարի համար (մոտ 17 դոլար ներկայիս փոխարժեքով), ինչպես նախկինում հայտարարված էր, այլ 20-ից 30 լարի  (7-ից 10 դոլար ներկայիս փոխարժեքով). հայտնում է aspny.ge կայքը։

Համապատասխան նախաձեռնությունը բացատրել է խորհրդարանի իրավական հարցերով  հանձնաժողովի նախագահ Անրի Օհանաշվիլին՝ ընդգծելով, որ իշխանությունները չեն ցանկանում չափազանց շատ բեռ բերել հասարակությանը:

«Մեր նպատակը բնակչությանը տուգանելը չէ, մեր խնդիրն է պաշտպանել երկրի բնակիչների առողջությունը, որպեսզի հնարավորինս կանխվի կորոնավիրուսի տարածումը: Պաշտպանիչ դիմակների օգտագործումը կարևոր բաղադրիչներից մեկն է», - ասել է Օհանաշվիլին:

Հաղորդվում է, որ իշխող «Վրացական երազանք» կուսակցությունն արդեն համաձայնության է եկել այս հարցի շուրջ: