Լիբիայի ԱԱԽ-ն վերահսկողություն է հաստատել Տրիպոլիի մերձակայքում գտնվող երկու շրջաններում

Լիբիայի Անցումային ազգային խորհրդի ուժերը (ԱԱԽ) հայտարարություն են տարածել այն մասին, որ վերահսկողության տակ են վերցրել Տրիպոլիի մերձակայքում գտնվող Աին Զառա և Վադի ար-Ռաբիա շրջանները. այս մասին հայտնում է ՌԻԱ «Նովոստի»-ն:

«Բարկության հրաբուխ» ռազմական գործողության մամուլի ծառայության հաղորդմամբ՝ ԱԱԽ-ի ուժերը արտաքսել են Հաֆթարի բանակի խմբավորումներին և ամբողջովին ազատագրել նշված շրջանները:

Հիշեցնենք՝ Լիբիայում այս պահին զինված բախումներ են ընթանում տարբեր առաջնորդների կողմնակիցների միջև: Երկիրը ղեկավարում է ազգային համաձայնության կառավարությունը (ԱԱԽ), որը ղեկավարում է վարչապետ Ֆայեզ Սարաջը և «արևելյան կառավարությունը»՝ Աբդուլահ Աբդուրահաման աթ-Թանիի գլխավորությամբ: Արևելյան կառավարությանն աջակցում է Լիբիայի ազգային բանակի հրամանատար Խալիֆա Հաֆթարը: