Շոտլանդիան սկսում է մեղմացնել սահմանափակումները

Մարդիկ Շոտլանդիայում արդեն նորից կարող են հանդիպել ընկերներին, քանի որ երկիրը 66 օր հետո սկսում է թեթևացնել կորոնավիրուսի պատճառով կիրառած սահմանափակումները. այս մասին գրում է BBC-ն:

Մասնավորապես, նոր կանոնների համաձայն՝ երկու տարբեր ընտանիքներից մարդիկ կարող են դրսում հանդիպել՝ 2 մետր հեռավորություն պահպանելով: Միաժամանակ 8 հոգուց ավելի մարդկանցով հավաքները չեն թույլատրվում, և մարդիկ չեն կարող գնալ մեկ ուրիշի տուն:

Այս առնչությամբ երկրի Առաջին նախարար Նիկոլա Սթարջենը շեշտել է, որ մարդիկ պետք է հնարավորինս տանը մնան: Շոտլանդիան կարանտինի մեջ է մարտի 23-ից սկսած և սահմանափակումների մեծ փոոխություններ չէր արել: