Ղարաբաղյան հակամարտության կարգավորումը պետք է փուլային լինի. Իլհամ Ալիև

Մայիսի 28-ին «տեղահանվածների» խմբի հետ հանդիպման ժամանակ Ադրբեջանի նախագահ Իլհամ Ալիևը հայտարարել է, որ իր երկիրը վերականգնելու է տարածքային ամբողջականություն, իսկ հակամարտությունը պետք է վերջնականապես լուծվի, որից հետո միայն տեղահանվածները կկարողանան «վերադառնալ»։

«Մեր ռազմական հզորությունը, տնտեսական առավելությունը, միջազգային հանրության դիրքն ու առաջատար երկրների աջակցությունը կարևոր դեր կխաղան մեր հողերի ազատագրման համար», - նշել է Բաքվի դիկտատորը՝ հավելելով, որ այսօր ռազմական գործոնը առաջնային դիրքում է գտնվում։

Ալիևը նշել է, որ այսօր բանակցությունների սեղանին դրված է փուլային տարբերակի լուծումը՝ չնայած, որ Հայաստանը հերքում է դա։

«Փուլային լուծումը միակ հնարավոր տարբերակն է։ Առաջին փուլում պետք է ազատվի հողերի մի մասը։ Մեր նպատակը ինքնիշխանության լիարժեք ապահովումն է, պարզապես պետք է ճիշտ գնահատել ժամանակը և աշխարհաքաղաքական իրավիճակը։ Բռնազավթված տարածքների ազատագրումից հետո, բոլոր բնակավայրերը կվերականգնվեն», - նշել է Ալիևը։