Ոսկին թանկանում է. պատճառն ԱՄՆ-Չինաստան լարվածությունն է

Երեքշաբթի առավոտյան ոսկու գինը փոքր-ինչ աճել է ԱՄՆ-ի եւ Չինաստանի միջև հարաբերությունների լարվածության աճի ֆոնին. այս մասին գրում է «Փրայմ»-ը՝ ներկայացնելով աճուրդի տվյալները. հայտնում է Yerkir.am-ը։

Նշվում է՝ նյույորքյան Comex ֆոնդային բորսայում հունիս ամսվա ոսկու ֆյուչերսների գինն աճել է 0.18 տոկոսով կամ 3.15 դոլարով եւ մեկ տրոյական ունցիայի դիմաց 1.737.55 դոլար է կազմել: Արծաթի մայիսյան ֆյուչերսները նվազել են 0.11 տոկոսով եւ 17.44 դոլար կազմել մեկ ունցիայի դիմաց:

Որպես ավանդաբար ավելի հուսալի ակտիվ՝ ոսկուն որոշ աջակցություն է ցուցաբերում ԱՄՆ-ի ու Չինաստանի հարաբերությունների աճող լարվածությունը: Ներդրողներն իրենղ ուշադրությունն են սևեռել այն հանգամանքի վրա, որ ԱՄՆ-ն Չինաստանին մեղադրում էր համավարակի բռնկման մեջ և պնդում է հետաքննություն անցկացնել: