Երևանում հրապարակվել է հայկական ծագմամբ թուրքալեզու պոետ Նիհաթ Օզդալի բանաստեղծությունների ժողովածուի հայերեն թարգմանությունը

Օրեր առաջ Երևանում հրապարակվել է հայկական ծագմամբ ժամանակակից թուրքիացի բանաստեղծ Նիհաթ Օզդալի բանաստեղծությունների ժողովածուն` թուրքագետ Կարոլինա Սահակյանի թարգմանությամբ: Այդ մասին հաղորդում է Akunq.net-ը։

Նիհաթ Օզդալը ծնվել է 1984 թ. Եփրատի գետի ափին գտնվող Հալֆեթի քաղաքում: Բարձրագույն կրթությունը ստացել է Գազիանթեփի (Այնթափ) համալսարանում: Առաջին բանաստեղծությունները հրատարկվել են 2000-ականների սկզբին, թուրքական տարբեր գրական պարբերականներում: Մինչև օրս լույս են տեսել նրա 4 բանաստեղծական ժողովածուները` «Google-ից առաջ», «Թևի հետագծեր», «Կոճակներ» և «Մաշկը» վերնագրերով:

Ն. Օզդալն արժանացել է մի քանի գրական մրցանակի, իսկ նրա բանաստեղծությունները թարգմանվել են աշխարհի տարբեր լեզուներով:

Հայերեն ժողովածուն հասանելի է հետևյալ հղումով.

Akunq.net