Ուկրաինան Վրաստանին է արտահանձնել ահաբեկչության մեջ մեղադրվող` նրա քաղաքացուն

Ուկրաինան Վրաստանին է արտահանձնել Ցեզար Թոխոսաշվիլիին, որը հայտնի է որպես Ալ Բարա Շիշանի և հայրենիքում մեղադրվում է «Իսլամական պետություն» ահաբեկչական խմբավորման հետ կապեր ունենալու մեջ. ըստ yerkir.am-ի տեղեկացնում է EADaily-ն:

Վրաստանի պետական անվտանգության ծառայության մամուլի ծառայությունը տեղեկացրել է, որ Թոխոսաշվիլին 2015 թվականին մեկնել է Սիրիա և մասնակցել կառավարական ուժերի դեմ մարտերին: Հետաքննությունը պարզել է, որ նա այնտեղ դարձել է ԻՊ-ի անդամ:

Ուկրաինայի անվտանգության ծառայությունը Թոխոսաշվիլիին ձերբակալել է Կիևում 2019-ի նոյեմբերի 12-ին` ահաբեկչական կազմակերպության անդամ լինելու մեղադրանքով: Նրա դեմ Վրաստանում հարուցվել է քրեական գործ` երկրի ՔՕ 327-րդ հոդվածով` «Անդամակցություն և մասնակցություն ահաբեկչական կազմակերպությանը», որով նախատեսվում է  մինչև 15 տարվա ազատազրկում: