Ավելի քան 110 երկիր սատարում է Ավստրալիայի՝ համավարակի ծագման պատճառն ուսումնասիրելու կոչին. The Guardian

Աշխարհի ավելի քան 110 երկիր աջակցություն է հայտնել Ավստրալիայի՝ համավարակի ծագման պատճառն ուսումնասիրելու համար անկախ փորձաքննությունն անցկացնելու առաջարկին. այս մասին գրում է  The Guardian-ը՝ Ավստրալիայի արտաքին գործերի նախարար Մարիս Պեյնի խոսքերին հղումով. հայտնում է Yerkir.am-ը։

Ըստ նրա՝ աշխարհը ցանկանում է ստանալ ճգնաժամի հետ կապված հարցերի պատասխանները, որպեսզի հետագայում հնարավոր լինի խուսափել նման աղետներից: «Մեզ անհրաժեշտ է անկախ գնահատական այն մասին, թե ինչ է տեղի ունեցել, աշխարհը կարող է դասեր քաղել և քայլեր ձեռնարկել համաշխարհային առողջապահական համակարգի պաշտպանության համար»,- շեշտել է պաշտոնյան։

Այս պահի դրությամբ Ավստրալիայի առաջարկին միացել են Ռուսաստանը, Մեծ Բրիտանիան, Հնդկաստանը, Ինդոնեզիան, Կանադան, Նոր Զելանդիան, Ճապոնիան, ԵՄ անդամ երկրները: Ավելի ուշ միացել են աֆրիկյան երկրները, ընդհանուր առմամբ՝ 116 երկիր: