Լեհաստանը երկարաձգել է սահմանները փակելու ժամետները

Լեհաստանը սահմանները փակելու ժամկետը երկարաձգել է մինչև հունիսի 12-ը. այս մասին գրում է «ՌԻԱ Նովոստի»-ն՝ երկրի ՆԳՆ-ին հղումով. հայտնում է Yerkir.am-ը։

Գերատեսչության կողմից տարածված մամուլի հաղորդագրության մեջ ասվում է. «ԵՄ անդամ երկրների հետ սահմանային վերհսկողությունը կերկարաձգվի ևս 30 օրով՝ մինչև հունիսի 12-ը»,- ու նշվում՝ առայժմ սահմանը կարելի կլինի հատել հստալ նշված հատվածներում:

Ստուգումներ կլինեն ինչպես նավահանգիստներում, այնպես էլ օդանավակայաններում: Մանրամասնվում է, որ Լեհաստան կարող են մուտք գործել Լեհաստանի քաղաքացիները, ինչպես նաև այն օտարերկրացիները, որոնք Լեհաստանի քաղաքացու ընտանիքից են՝ ամուսին, կին, երեխա: Կարող են գալ նաև այն օտարեկրացիները, որոնք ունեն մշտական կացության իրավունք, դիվանագիտական կորպուսի ներկայացուցիչները կամ նրանց ընտանիքների անդամները: