Իրանը հանդես է գալիս նավթի արդյունահանման ծավալների կրճատման օգտին

Թեհրանը վստահ է նավթի արդյունահանման ծավալների նվազման հարցում և հանդես է գալիս շուկայում գների կարգավորման ուղղությամբ ջանքերն ակտիվացնելու օգտին. այս մասին ՌԻԱ «Նովոստի» լրատվական գործակալության հետ զրույցում ասել է Իրանում Ռուսաստանի դեսպան Քազեմ Ջալալին. հայտնում է Yerkir.am-ը։

Նա, մասնավորապես, նշել է.  «Իրանը և՛ որպես ՕՊԵԿ-ի, և՛ որպես ՕՊԵԿ+-ի անդամ վստահ է, որ անհրաժեշտ է նվազեցնել արտադրության ծավալները, ինչպես նաև կարևոր է համարում նավթ արդյունահանող բոլոր երկրների համագործակցությունը՝ շուկայում գինը կարգավորելու համար», ու հավելել՝ այս նպատակով Իրանի նավթի նախարարն անցկացրել է քննարկումներ իր մի քանի գործընկերների հետ՝ ներառյալ Ռուսաստանի էներգետիկայի նախարարի: Նա շեշտել է, որ Իրանը հանդես է գալիս այն բանի օգտին, որ նավթի գինը լինի կայուն և հավասարակշռված: Այն բխում է բոլոր արդյունահանողների և սպառողների շահերից: