Թրամփը վետո է կիրառել այն բանաձևի վրա, որն արգելում է Իրանի դեմ ռազմական ուժ կիրառել

ԱՄՆ նախագահ Դոնալդ Թրամփը վետո է կիրառել Կոնգրեսի այն բանաձևի վրա, որով սահմանափակվում էր նրա իրավասությունները` Իրանի դեմ ուժ գործադրել համար. հայտնում է Interfax-ը։

Ըստ Սպիտակ տան ղեկավարի` բանաձևը սահմանափակում էր նրա հնարավորությունները ԱՄՆ-ին և նրա դաշնակիցներին պաշտպանելու համար։ Բացի այդ, Թրամփը նշել է, որ ԱՄՆ ղեկավարը պետք է ունենա հնարավորություն վճռական և օպերատիվ արձագանքելու համար` ի պատասխան թշնամու գործողությունների։

Թրամփը Կոնգրեսի բանաձևը վիրավորական է անվանել, որն ուղղված է նոյեմբերի 3-ի ընտրություններին դեմոկրատների հաղթանակը ապահովելուն և հանրապետական կուսակցությունը մասնատելուն։

Թրամփը ընդգծել է, որ ԱՄՆ-ն ուժ չի գործադրում Իրանի դեմ, իսկ գեներալ Ղասեմ Սուլեյմանիի լիկվիդացման օպերացիան իրականացվել է Իրաքում ուժ գործադրելու բանաձևի շրջանակներում։ Իրանի դեմ ուժ գործադրելու սահմանափակումների բանաձևը ընդունվել էր այս տարվա փետրվարին. դրա օգտին էին քվեարկել 100-ից 55 սենատոր։