Այսօրվանից Վրաստանում կմեկնարկի ահմանված արգելքների վերացման առաջին փուլը

Ապրիլի 27-ից Վրաստանում կմեկնարկի արտակարգ դրության շրջանակներում երկրում սահմանված արգելքների վերացման առաջին փուլը. այս մասին հայտնում է Yerkir.am-ը՝ newsgeorgia.ge-ին հղումով։ 

Մասնավորապես, այսօրվանից պարետային ժամի ավարտից հետո (առավոտյան ժամը 06:00-ին) Վրաստանի ամբողջ տարածքում կթույլատրվի թեթև մարդատար ավտոմեքենաների երթևեկությունը: Միաժամանակ վաղվանից կթույլատրվի տաքսիների երթևեկությունը, առցանց առևտուրը, ցանկացած ապրանքի առաքման ծառայությունը և բաց տեսակի ագրարային շուկաների գործունեությունը:

Նշվում է նաև, որ ապրիլի 27-ին և 28-ին բացառության կարգով կվերականգնվի միջքաղաքային երթևեկությունը: Ըստ կառավարության հայտարարության` Թբիլիսի, Բաթումի, Քութայիսի և Ռուսթավի քաղաքները 2 օրվա ընթացքում բաց կլինեն այն մարդկանց համար, ովքեր նշված քաղաքներից վերադառնում են իրենց գրանցման վայրերը, սակայն պպրիլի 29-ից նշված քաղաքներ ելումուտը դարձյալ կարգելվի: