«Շրջափակել են» Կրեմլը. վիրտուալ ցույց. Pravda.ru

Ապրիլի 20-ի երեկոյան Ռուսաստանում անցկացվել են բողոքի զանգվածային ակցիաներ ինքնամեկուսացման ռեժիմի դեմ: Մարդիկ բողոքել են համացանցում. տեղեկացնում է Yerkir.am-ը` Pravda.ru-ին հղումով:

Բողոքի ակցիան սկսվել է Դոնի Ռոստովից: Ինքնամեկուսացումից դժգոհողները ֆելշմոբ են իրականացրել «Յանդեքս. քարտեզներ» և «Յանդեքս. նավիգատոր» հավելվածների միջոցով: «Ցուցարարները» պահանջել են արտակարգ դրության սահմանում և օգնության ցուցաբերում առանց աշխատանքի մնացածներին: Ցույցն արտոնված չի եղել, այդ պատճառով ցրվել է` վիրտուալ կերպով. «Յանդեքսի» մոդերատորներին հաջողվել է հեռացնել հաղորդագրությունները:

Գաղափարն անմիջապես հավանության է արժանացել նաև այլ քաղաքներում, և նմանատիպ «ցույցեր» անցկացրել են Սանկտ Պետերբուրգում, Եկատերինբուրգում, Նիժնի Նովգորոդում  և այլուր: Գիշերը ֆելշմոբը հասել է նաև Մոսկվա, որտեղ «ցուցարարները» «շրջափակել են» Կրեմլը: