Քեյփթաունի դատարկ փողոցներում ազատորեն զբոսնում են պինգվինները

Հարավաֆրիկյան Քեյփթաուն քաղաքի` կորոնավիրուսի կարանտինի պատճառով դատարկված փողոցներում զբոսնում են պինգվիններ. տեղեկացնում է yerkir.am-ը`Business Insider-ին հղումով:

«Պինգվիններն իրենց առավելագույնս ազատ են զգում: Հպարտորեն անցնում են փողոցը` անհրաժեշտության դեպքում թռչելով մայթեզրին»,- ասվում է պինգվինների վերականգնողական SANCCOB կենտրոնի հաղորդագրությունում:

Սովորաբար, պինգվինները չեն սիրում բազմամարդ վայրերը, և երբ մարդիկ իրենց շատ են մոտենում:

«Ներկայումս բավական շատ աշխատանք ունենք. թռչունները ձգտում են որքան հնարավոր է  հեռանալ իրենց բնակավայրից` Boulders Beach  ծովափի` պինգվինների գաղութից»,- ասում են կենտրոնի աշխատակիցները:

Ավելի վաղ Չիլիի Սանտյագո մայրաքաղաքում էլ է անսովոր «անցորդ» երևացել` վայրի պումա: Իսկ Վենետիկի` կարանտինի պատճառով մաքրվող ջրանցքներում արդեն ձկներ են լողում, իտալական այլ քաղաքներում էլ տեսել են վայրի կենդանիների: