Գեղարքունիքի մարզպետարանի աշխատակիցները չեն ստանա երկրորդ եռամսյակի պարգևավճարները

Գեղարքունիքի մարզպետարանում հրավիրված աշխատանքային խորհրդակցության ընթացքում մարզպետ Գնել Սանոսյանն անդրադարձել Է արտակարգ  դրության պայմաններում իրականացվող մի շարք միջոցառումների ընթացին: Այս մասին տեղեկանում ենք Գեղարքունիքի մարզպետարանի տեղեկատվության և հասարակայնության հետ կապերի բաժնից։

Մարզպետը շեշտել է՝ երկրում տիրող արտակարգ դրությամբ պայմանավորված, Գեղարքունիքի մարզպետարանի  աշխատակազմին  երկրորդ եռամսյակի ընթացքում հատկացվելիք  պարգևավճարներն արդեն վերադարձվել են պետական բյուջե: «Սա մի նախաձեռնություն է, որին Գեղարքունիքի մարզպետարանի յուրաքանչյուր աշխատակից պետք Է ըմբռնումով մոտենա և գիտակցի, որ արտակարգ դրության պայմաններում ինքը ևս օգտակար Է եղել իր երկրին՝ սոցիալական խնդիրների մեղմման առումով»,-նշել է մարզպետը: