Վրացական բանակում ծառայությունը կշարունակվի զորանոցային պայմաններում. պատճառը՝ կորոնավիրուսն է. apsny.ge

Վրաստանում կորոնավիրուսի տարածումը կանխելու համար ԶՈՒ-ն ծառայությունը կշարունակի զորանոցային պայմաններում. հայտնում է Yerkir.am-ը՝ apsny.ge-ին հղումով։

Նշվում է՝ Վրաստանի ԶՈՒ-ն զորանոցային ծառայության է անցել մարտի 21-ից`Վրաստանում արտակարգ դրություն հայտարարելուց հետո: ՊՆ-ի հաղորդմամբ՝ ռազմակայաններում գործում են անվտանգության խիստ կանոններ, ստորաբաժանումների մուտքն ու ելքը սահմանափակված է, իսկ ճաշարաններն ու զուգարաններն ախտահանվում են:

Միևնույն ժամանակ բանակը շուրջօրյա հերթապահություն է իրականացնում երկրի 9 քաղաքների ելքերում ու մուտքերում։

Հավելվում է՝ բանակում անվտանգության նպատակով պահպանվում են կարանտինային բոլոր պայմանները: