Նորվեգիան հաղթահարեց կորոնավիրուսը. այն վերադառնում է իր բնականոն կյանքին. Reuters

Նորվեգիայի իշխանությունները հայտարարել են կորոնավիրուսի տարածումը կանխելու նպատակով երկրում գործող արգելքների որոշ մասի չեղարկման մասին. հայտնում է Yerkir.am-ը՝ Reuters-ին հղումով։

Այս առնչությամբ երկրի վարչապետ Էռնա Սուլբերգը, մասնավորապես, նշել է. «Միասին մեզ հաջողվել է վերահսկողության տակ վերցնել վիրուսը, հետևաբար քայլ առ քայլ կարող ենք վերադառնալ մեր բնականոն կյանքին»։

Նշվում է՝ ապրիլի 20-ից սկսած երկրում կբացվեն մանկապարտեզները, իսկ ապրիլի 27-ից՝ տարրական դպրոցները։ Միևնույն ժամանակ ապրիլի 27-ից նախատեսվում է մասնակի վերսկսել ծառայությունների մատուցման ոլորտի աշխատանքը, օրինակ՝ գեղեցկության սրահների, սրճարանների և այլն։