Թրամփը հայտարարել է, որ կարող է իր վրա փորձարկել կորոնավիրուսի դեմ նոր դեղամիջոցը․ Reuters

Ապրիլի 4-ին ճեպազրույցի ընթացքում ԱՄՆ նախագահ Դոնալդ Թրամփն իր ելույթով աջակցել է կորոնավիրուսից նոր դեղամիջոցի թեստավորմանը. «Reuters»-ի փոխանցմամբ՝ հայտնում է Yerkir.am-ը:

Խոսքը վերաբերում է հիդրոքսիքլորոխին դեղամիջոցին, որն օգտագործվում է մալարիայի բուժման դեպքում։ Ընդ որում՝ Եվրահանձնաժողովն արդեն հայտարարել է, որ կորոնավիրուսի բուժման համար հիդրոքսիքլորոխինի արդյունավետությունն ապացուցված չէ։

Նա հայտարարել է, որ կարող է իր վրա փորձարկել այն եւ կոչ արել մյուսներին նույն կերպ վարվել բժշկի կողմից հաստատում ստանալու դեպքում։

«Ես կարող եմ ընդունել այն։ Ես պետք է հարցնեմ այդ մասին իմ բժշկին, սակայն կարող եմ ընդունել դա»,-հայտարարել է Թրամփը։