Վրաստանում մետրոն դադարեցնում է աշխատանքը. Գախարիա

Վրաստանում ստորգետնյա տրանսպորտը դադարեցնում է աշխատանքը: Այս մասին այսօր հայտարարել է Վրաստանի վարչապետ Գիորգի Գախարիան: apsny.ge-ի փոխանցմամբ՝ նման որոշումն ընդունվել է կորոնավիրուսի տարածումը կանխելու միջոցառումների շրջանակում. հայտնում է Yerkir.am-ը:

Վրաստանի վարչապետի խոսքով՝ արգելված է ցանկացած տեսակի հասարակական տրանսպորտի շարժը բնակավայրերում:

«Լիովին արգելվում է ցանկացած տեսակի հասարակական տրանսպորտի, ներառյալ մետրոյի աշխատանքը: Թույլատրված է միայն մարդատար տաքսիների տեղաշարժը, որոշակի վերապահումներով: Մեքենայի մեջ կարող են լինել առավելագույնը 3 հոգի, որից երկուսը՝ մեքենայի հետևի նստատեղին», - ասել է Գախարիան:

Ավելի վաղ Yerkir.am-ը տեղեկացրել էր, որ Վրաստանի վարչապետի որոշմամբ՝ երկրում համընդհանուր կարանտին է հայտարարվել: