Արտակարգ դրություն՝ Բուլղարիայում. պատճառը՝ կորոնավիրուսն է

Բուլղարիայի խորհրդարանը միաձայն կողմ է քվեարկել կորոնավիրուսների տարածումը կանխելու նպատակով մինչև ապրիլի 13-ը արտակարգ դրություն հայտարարելուն. հաըտնում է Yerkir.am-ը`Reuters-ին հղումով:

Նշենք՝ երկրում հաստատված դեպքերի թիվը հասել է 23-ի:

Արտակարգ դրությունը հնարավորություն կտա արգելել ուղևորությունները դեպի կորոնավիրուսի խոշոր բռնկումներով երկրներ, և ժամանումը դրանցից, փակել դպրոցներն ու համալսարաններն ու լիազորել ոստիկանությանը միջամտել կարանտինի խախտման պարագայում:

Միևնույն ժամանակ երկրի կառավարությունը նախատեսում է նաև վերանայել 2020 թվականի պետբյուջեն` առողջապահական համակարգի աջակցության նպատակով ավելի շատ գումար տրամադրելու համար, պատգամավորներին տեղեկացրել է վարչապետ Բոյկո Բորիսովը: