Իսպանիան թույլ չի տվել «Ռոմային» թռնել Սևիլյա. Եվրոպայի լիգայի խաղը չի կայանա

Ապրիլի 12-ին նշանակված Եվրոպայի լիգայի 1/8 եզրափակիչ «Սևիլյա» - «Ռոմա» խաղը չի կայանա:

Ինչպես հայտնում է իտալական CORRIERE DELLO SPORT-ը, հռոմեական ակումբին չի հաջողվում թռնել Սևիլյա, քանի որ Իսպանիայի կառավարության մարտի 10-ի որոշմամբ դադարեցվել են ինքնաթիռների բոլոր չվերթները դեպի Իտալիա և, հակառակը:

«Ռոման» մոտ մեկ ժամ բանակցել է ՈՒԵՖԱ-ի, երկու երկրների ֆուտբոլի ֆեդերացիաների հետ: Սակայն դրանց էլ չի հաջովել ստանալ իսպանական կառավարության համաձայնությունը՝ թեկուզ բացառության կարգով չարթերային թռիչքի համար: Ինչպես նշում է աղբյուրը, ՈՒԵՖԱ-ն հավանաբար կհետաձգի հանդիպումը, մինչև որ լուծում կգտնի այդ հարցում:

Հավելենք, որ Իտալիայում մինչև ապրիլի 3-ը դադարեցվել են բոլոր ֆուտբոլային խաղերը: Իսպանիայի ֆուտբոլի ֆեդերացիան առայժմ նման որոշում չի կայացրել: