«Ստալին, Ռուզվելտ, Չերչիլ. համատեղ պայքար նացիզմի դեմ». նոր ցուցահանդես, նոր փաստաթղթեր

ՌԴ պետական արխիվը ապրիլի 23-ին բացելու է « ցուցահանդեսը՝ նվիրված Հաղթանակի 75-ամյակին. տեղեկացնում է yerkir.am-ը՝ ՏԱՍՍ գործակալությանը հղումով:

«Ցույց կտանք, որ, չնայած գաղափարախոսական, տնտեսական, քաղաքական տարաձայնություններին, հսկայական սպառնալիքի՝ հիտլերյան Գերմանիայի դեմ երեք տերությունների առաջնորդները կարողացան համաձայնության գալ և համատեղ ջանքերով հաղթել»,- գործակալության հետ զրույցում ասել է արխիվի գիտական ղեկավար, պատմաբան Սերգեյ Միրոնենկոն:

Ըստ նրա՝ կցուցադրվեն բազմաթիվ նոր փաստաթղթեր: Առաջին անգամ հանրությանը կներկայացվի Ստալինի, Չերչիլի և Ռուզվելտի նամակագրությունը. նամակների բնօրինակները պահվում են ՌԴ ԱԳՆ-ի արխիվում: Ցուցահանդեսի կազմակերպիչներն անդրադարձել են նաև Երկրորդ ճակատի բացման բարդ պատմությանը: Առանձին ուշադրություն է հատկացված Թեհրանի և Յալթայի կոնֆերանսներին:

Ծավալուն ցուցահանդեսի կազմակերպման աշխատանքներին մասնակցել են նաև ԱՄՆ-ի և Մեծ Բրիտանիայի արխիվները:

Ցուցահանդեսը կգործի մինչև հունիսի 28-ը: Մուտքն ազատ է: