Երթևեկել միայն ձմեռային անվադողերով, խիստ անհրաժեշտության դեպքում. Նախարարի հորդորը՝ վարորդներին

Տարածքային կառավարման և ենթակառուցվածքների նախարար Սուրեն Պապիկյանը ֆեյսբուքյան իր էջում գրում է՝ 

«Հարգելի քաղաքացիներ, խնդրում եմ երթևեկել միայն ձմեռային անվադողերով, և խիստ անհրաժեշտության դեպքում:

Տեղեկացնում ենք, որ այս պահին Թալինի, Արթիկի, Ապարանի, Արագածի, Կոտայքի, Հրազդանի, Սևանի, Գավառի տարածաշրջանների ավտոճանապարհներին, Տիգրանաշենի (Քյարքի) և Դիլիջանի ոլորաններում առատ ձյուն է տեղում:

Արթիկ-Ալագյազ, Միրաք-Ապարան, Ռյաթազա-Ծիլքար ավտոճանապարհներին բուք է:

Դիլիջանի ոլորանները ծանրաքաշ և կցորդիչով տրասնպորտային միջոցների համար փակ է:

Վարդենյաց լեռնանցքը բքի պատճառով փակ է բոլոր տեսակի տրանսպորտային միջոցների համար»: