ՏԵՍԱՆՅՈՒԹ. Ինչպես են ուղևորները դուրս գալիս Ստամբուլի օդանավակայանում կոշտ վայրէջքից հետո երեք մասի բաժանված ինքնաթիռից

Ստամբուլի Սաբիհա Գյոքչենի անվան օդանավակայանում կոշտ վայրէջք կատարելուց հետո Pegasus Airlines ավիաընկերության Boeing 737 ինքնաթիռի տուժած ուղևորների թիվը կազմում է 52:

Տրանսպորտի նախարար Մեհմեթ Թուրհանն ավելի վաղ հայտնել է 21 մարդու հոսպիտալացման մասին: Այնուհետև նա տեղեկացրել է, որ տուժածների թիվը կազմում է 52 ուղևոր: Ընդհանուր առմամբ, օդանավում 177 մարդ է եղել՝ 171 ուղևոր և անձնակազմի 6 անդամ:

BBC News-ի փոխանցմամբ՝ օդանավը վայրէջք է կատարել ուժեղ անձրևի ժամանակ: Համացանցում տեսանյութ է հրապարակվել դեպքի վայրից, որում երևում է, թե ինչպես են ուղևորները փորձում դուրս գալ երեք մասի բաժանված օդանավից:

Նշվում է, որ վիրավորների թվում են երկու օդաչուները, որոնցից մեկն ազգությամբ թուրք է, մյուսը՝ հարավկորեացի: