Իրանում ավիաաղետից զոհված կանադացիների մարմինների հայրենադարձումը հնարավոր է, որ ամիսներ տևի. Թրյուդո

Կանադայի՝ ավիաաղետի հետևանքով զոհված քաղաքացիների մարմինների հայրենադարձումը կարող է տևել մի քանի շաբաթից մինչև մի քանի ամիս. ըստ Yerkir.am-ի՝ այս մասին հայտարարել է Կանադայի վարչապետ Ջասթին Թրյուդոն Global News հեռուստաալիքին տված հարցազրույցի ընթացքում, հայտնում է ՏԱՍՍ-ը:

«Դա ամենագլխավոր հարցերից մեկն է, որն ինձ տալիս Էին զոհվածների ընտանիքները: Նրանցից շատերի համար դա առնչություն ունի կրոնի հետ. իրենց հարազատներին թաղել հնարավորինս շուտ,- պարզաբանել է նա ու հավելել. - Դժբախտաբար, նման իրավիճակներում մենք կարող ենք խոսել շաբաթներիև նույնիսկ ամիսների մասին»:

Կանադայի առաջնորդը հիշեցրել է նաև, որ երկրի դիվանագետների խումբն արդեն ստացել է իրանական այցագրեր և ժամանել Է Թեհրան՝ զոհված 57 կանադացիների հարազատներին հյուպատոսական ծառայություններ մատուցելու նպատակով: