Լիբիան Թուրքիայից ռազմական օգնություն է խնդրել. Reuters

Լիբիայի Ազգային համաձայնության կառավարությունը Թուրքիայից ցամաքային, օդային, ծովային ռազմական օգնություն է խնդրել: Այս մասին, ըստ Yerkir.am-ի, հայտնում է Reuters գործակալությունը:

Տեղեկությունը գործակալության հետ զրույցում հայտնել է լիբիացի բարձրաստիճան մի պաշտոնյա:

Լիբիայի ԱՀԿ Ներքին գործերի նախարար Ֆեթհի Բաշաղան հայտնել է, որ գեներալ Հալիֆե Հաֆթարի դեմ պատերազմելու համար, կառավարությունը Թուրքիայի ռազմական օգնություն կխնդրի: «Ռազմաբազաները օտարերկրյա պետությունների առջև բացած Հաֆթերի վարձու ուժերի դեմն առնելու համար Թուրքիայից պաշտոնապես ռազմական օգնություն կխնդրենք», - նշում է Բաշաղան:

Թուրքիայի նախագահ Ռեջեփ Թայիփ Էրդողանն էլ զորք ուղարկելու վերաբերյալ ասել է, որ հունվարի 8-ին ԹԱՄԺ-ում կանցկացնի այդ հարցը և այդպիսով կընդունեն հրավերը:

Թուրքիան և Լիբիան օրեր առաջ էլ պաշտպանական և անվտանգային ոլորտներում դաշնակցային հուշագրեր էին ստորագրել՝ Միջերկրականի արևելյան ջրերում վերահսկողության սահմանման վերաբերյալ, ինչն արժանացել է միջացգային հանրության քննադատությանը:

Նշենք, որ գեներալ Հաֆթերին աջակցում են Ռուսաստանը, Ֆրանսիան, Եգիպտոսը, ԱՄԷ-ն, Սաուդյան Արաբիան և այլք: