ՏԵՍԱՆՅՈՒԹ. Ամեն ինչ կանենք, որ գործը բացահայտվի. Նիկոլ Փաշինյանն ընդունել է Արթուր Աջամյանի հարազատներին

11 ամիս ծառայելուց հետո մահացած Արթուր Աջամյանի հարազատները արդեն 26 օրն է որևէ տեղեկություն չունենք, թե ինչ հանգամանքներում է մահացել իրենց զինվորը: Ըստ Yerkir.am-ի՝ Աջամյանի հարազտները այսօր ևս կառավարության շենքի դիմաց էին և հանդիպում էին պահանջում կառավարության ղեկավարի հետ:

Աջամյանի մորը, հորեղբորն ու պապիկին ընդունեց Նիկոլ Փաշինյանը:

Լսելով զոհված զինվորի հարազտների պահանջը, կառավարության ղեկավարը հանձնարարեց՝ Արթուրի մահվան հանգամանքների վերաբերյալ տեղեկանք կազմել, որում չի լինի նախաքննական գաղտնիք և տրամադրել հարազատներին:

«Ամեն ինչ կանենք, որ գործը բացահայտվի, դրանում պետք է չկասկածեք»,-ասաց Փաշինյանը: