Պորոշենկոն «ուշացել է գազի գնացքից». Պուշկով

Ուկրաինայի նախկին նախագահ Պետրո Պորոշենկոն դեմ է արտահայտվել Ռուսաստանից Ուկրաինա գազի ուղիղ  մատակարարմանը և խորհրդարանից պահանջել է պատժամիջոցներ կիրառել դրա նկատմամբ. ըստ Yerkir.am-ի՝ հայտնում է ren.tv-ն՝ նշելով, որ նախկին նախագահը գազային պայմանագրերը համարել է ոչ թե առևտրային, այլ քաղաքական:

Իր հերթին ռուս սենատոր Ալեքսեյ Պուշկովը հայտարարել է, թե Ուկրաինայի նախկին նախագահն «ուշացել է գազի գնացքից», և լուրջ չի ընդունել Պորոշենկոյի պահանջը:

«Քիչ հավանական է, որ Ուկրաինայի իշխանությունները պատժամիջոցներ կիրառեն իրենց իսկ ընկերությունների նկատմամբ, որոնք «Գազպրոմի» հետ գործարքներ են կնքել Ռուսաստանից գազի ուղղակի առաքումների վերաբերյալ»,- իր թվիթերյան միկրոբլոգում գրել է պատգամավորը: