Անկարայում գյուլենականների դեմ օպերացիայի ժամանակ 171 անձ է ձերբակալվել

Թուրքիայի մայրաքաղաք Անկարայում թուրք հայտնի կրոնական ուսուցիչ Ֆեթուլլահ Գյուլենին հարելու մեղադրանքով 260 քաղաքացու ձերբակալման մասին որոշում է կայացվել: Ոստիկանական գործողությունների արդյունքում ձերբակալվել է 171 անձ: Այս մասին, ըստ Yerkir.am-ի, հայտնում է diken.com.tr կայքը:

Նրանք մեղադրվում են գյուլենականների կողմից օգտագործվող ByLock գաղտնի և կոդավորված հավելվածն օգտագործելու մեջ, որն, ըստ թուրքական պաշտոնական տեսակետի, Գյուլենին հարող շրջանակների համար ծառայում է որպես հաղորդակցության միջոց:

Այսօր լրանում է գյուլենականների դեմ հետաքննության 6 տարին, և խորհրդանշական այս օրը իրականացված գործողությունը 2019 թ. հակագյուլենական ամենախոշոր օպերացիան է: