Ադրբեջանցի քաղաքապետն իր դստերը, որդուն, 2 եղբայրներին, 2 քույրերին, զարմիկին ու զարմուհուն առաջադրել է քաղաքապետի թեկնածության համար

Օրեր առաջ Ադրբեջանի նախագահի «առաջարկով» արձակվեց երկրի խորհրդարանը և արտահերթ խորհրդարանական ընտրության օր նշանակվեց փետրվարի 9-ը: Մինչ ադրբեջանական վերնախավում տեղի են ունենում փոփոխություններ՝ «բարեփոխումների» անվան տակ և հասարակության ուշադրությունը սևեռված է նոր փոփոխությունների վրա, զավեշտալի իրավիճակ է ստեղծվել այս ֆոնին հետին պլան մղված ՏԻՄ ընտրությունների ժամանակ:  

Ալիևների և Փաշաևների (Մեհրիբան Ալիևայի ընտանիքը) կլանից բացի երկրում կա ևս մեկ ընտանիք, ով ցանկանում է ամբողջ գերտաստանով լինել իշխանության: Պաշտոնական տվյալներով մոտ 29.000 բնակչություն ունեցող Ամիրջան քաղաքի քաղաքապետ, իշխող Ենի Ազերբայջան կուսակցության անդամ Ռաֆաել Ջաֆարովը իր մրցակիցներին ոչ մի շանս չթողնելու համար առաջադրել է իր 8 մտերիմ ազգակիցներին՝ որդուն, դստերը, երկու եղբորը, երկու քրոջը, զարմուհուն և զարմիկին: