38-ամյա տղամարդը ներկայացել է սոցապի աշխատակից և թալանել 88-ամյա ծերունու

Դեկտեմբերի 4-ին` ժամը 13:05-ին, ոստիկանության Արաբկիրի բաժին ահազանգ էր ստացվել, որ նույն օրը` ժամը 12:00-ին, անհայտ անձը, ներկայանալով որպես սոցապ ծառայության աշխատակից, 88-ամյա տղամարդու հետ մտել են վերջինիս բնակարան, որտեղ անհայտ անձը, օգտվելով հյուրասենյակում միայնակ գտնվելու հանգամանքից, պահարանից գողացել է 110.000 դրամ և 11.000 ռուբլի. Yerkir.am-ին հայտնում են ոստիկանությունից:

Պարզվել է՝ գողությունը կատարել է Արմավիր քաղաքի 38-ամյա մի բնակիչ, որին Դեկտեմբերի 7-ին՝ ժամը 17։00-ին, ոստիկանները Բաշինջաղյան փողոցից բերման են ենթարկել Արաբկիրի բաժին:

Նա ձերբակալվել և տվել խոստովանական ցուցմունք:

Կատարվում է նախաքննություն: