Գերված ծերունու ականջները նույնիսկ կոտրտված են եղել

«Ամբողջ մարմինը` վառված, ծեծված, ականջները նույնիսկ կոտրտված վիճակում էին»,- ադրբեջանցիների կողմից գերված Մամիկոն Խոջայանի առողջական վիճակի մասին Yerkir.am-ին ներկայացրեց «Իջևան» ԲԿ-ի տնօրեն Վազգեն Մարգարյանը:

Ներկայումս նրա վիճակը կայուն է, սակայն վերականգնողական լուրջ աշխատանքներ պետք է տարվեն նրա հետ, դեռևս հստակ պատասխաններ չի տալիս, միայն հարազատների հետ սկսել է կցկտուր շփվել:

Այսօր 77-ամյա ծերունուն տեղափոխելու են Երևան` վիրահատելու նրա բազկոսկրը, որը հրազենային կրակոցից կոտրվել է գերության ժամանակ, իսկ ադրբեջանական կողմը կտտանքների հետքերը վերացնելու նպատակով վիրահատել է, հեռացրել գնդակը, սակայն անփույթ աշխատանքի հետևանքով խնդիրներ են առաջացել, հարկավոր է նոր վիրահատություն, որպեսզի հեռացվեն մարմնում մնացած բեկորները:

Վ. Մարգարյանը նշեց նաև, որ Մամիկոն Խոջայանին տեղափոխում են Երևան, նախ քանի որ նրա հարազատներն այնտեղ են ապրում, երկրորդ` իրենց բուժհաստատությունը չունի վիրահատության համար համապատասխան սարքավորում: