Կիպրոսը Թուրքիայի դեմ հայց է ներկայացրել Հաագայի արդարադատության միջազգային դատարան

Կիպրոսի նախագահ Նիկոս Անաստասիադիսը հայտարարություն է տարածել այն մասին, որ իրենք Թուրքիայի դեմ հայց են ներկայացրել Հաագայի արդարադատության միջազգային դատարան. ըստ Yerkir.am-ի՝ հայտնում է «Հուրրիյեթ»-ը:

Նշվում է՝ դատական հայցի պատճառ են հանդիսացել Թուրքիայի կողմից Կիպրոսի մերձակա տարածքում իրականացվող հորատման աշխատանքները, որոնք հունական կողմն անօրինական է համարում:

Դատական հայցից զատ, Աթենքում Թուրքիայի դեսպանատան միջոցով բողոքի նոտա է հղվել Թուրքիային:

Ըստ Թուրքիայի՝ Հյուսիսային Կիպրոսի ինքնահռչակ հանրապետությունը ևս իրավունք ունի կղզու ջրերի պաշարների նկատմամբ, սակայն Կիպրոսի Հանրապետության իշխանությունները չեն համաձայնում այդ դիրքորոշմանը: Վերջիններիս կարծիքով՝  Կիպրոսի Հանրապետությունը միակ պաշտոնապես ճանաչված պետությունն է կղզու տարածքում: