Թուրքիան Հայաստանի դեմ հարձակվելու պլաններն արդիական է՞.Կարո Փայլանը՝ Թուրքիայի պաշտպանության նախարարին

Թուրքիայի խորհրդարանի հայ պատգամավոր Կարո Փայլանը  գրավոր հարցադրում է ուղղել Թուրքիայի պաշտպանության նախարար Հուլուսի Աքարին՝ Շվեդիայում գործող թուրքական Nordic Monitor–ի հրապարակման վերաբերյալ:

Կարո Փայլանը հետաքրքրվել է, թե արդյոք Թուրքիայի զինված ուժերը Հայաստանի դեմ հարձակման «Ալթայ» անունով ծրագիր ունեն։

«Այդ ծրագիրը դեռ արդիակա՞ն է։ Ի՞նչ նպատակով և ի՞նչ շարժառիթով է այն կազմվել։ Հայաստանի ժողովրդի մոտ այդ պնդումների պատճառով առաջացած անհանգստությունն ու մտահոգությունը վերացնելու և խաղաղության ակնկալիքները դարձյալ վերականգնելու համար ջանքեր գործադրելո՞ւ եք»,– իր հարցադրման մեջ մանրամասնել է Կարո Փայլանը։

Yerkir.am-ն ավելի վաղ տեղեկացրել էր, որ Շվեդիայում գործող թուրքական Nordic Monitor վերլուծական կենտրոնը տեղեկացրել էր, թե Թուրքիան 2000–ականներին ծրագրավորել է հարձակվել Հայաստանի դեմ։ Թուրքական իշխանությունները դեռ այս թեմայի հետ կապված որեւէ պարզաբանում չեն տվել։