Եթե դա արվում է հանրության ուշադրությունը շեղելու նպատակով, կրկնակի անբարոյականություն է. Արթուր Ղազինյան

Եթե դա արվում է իրենց համար ավելի վտանգավոր խնդրից հանրության ուշադրությունը շեղելու նպատակով, ապա դա կրկնակի անբարոյականություն է։ Այս մասին ֆեյսբուքյան իր էջում գրել է «Մեկ Հայաստան» կուսակցության հիմնադիր Արթուր Ղազինյանը։

«Սիրելի ընկերներ ջան, մի բան խնդրեմ ձեզ: Ամեն հիմարություն չի կարելի կրկնել, որքան էլ որ այդ հիմարության հեղինակը պետության ղեկավարն է:

Թող յուրաքանչյուրը մտածի ու խոսա իր բարդույթներից, ու տեղի ու անտեղի իր կեղտոտ գործերի մեջ չխառնի Աստծո միածին որդուն:

Իսկ եթե դա արվում է իրենց համար ավելի վտանգավոր խնդրից հանրության ուշադրությունը շեղելու նպատակով, ապա դա կրկնակի անբարոյականություն է:

Դե իսկ մենք արդեն պետք է տարբերենք իշխանությունների կողմից հանրությանը որպես կերակուր տրվող աղբը մեր պետության իրական ու կարևոր օրակարգերից»,– գրել է նա: