Վրաստանի խորհրդարանի խոսնակն ընդդիմությանը կոչ է արել վերադառնալ խորհրդարանական ձևաչափին

Վրաստանի խորհրդարանի նախագահ Արչիլ Թալակվաձեն բնականոն քաղաքական գործընթացին վերադառնալու կոչով դիմել Է ընդդիմության ղեկավարներին, որոնք երկրորդ շաբաթն է, ինչ հանրահավաքներ են կազմակերպում Թբիլիսիում օրենսդիր մարմնի շենքի մոտ՝  արտահերթ խորհրդարանական ընտրություններ անցկացնելու համամասնական համակարգով պահանջով. ըստ Yerkir.am-ի՝ հայտնում է ՏԱՍՍ-ը:

«Ես մեկ անգամ ևս ցանկանում եմ օգտվել այսօրվա նիստից ու դիմել խորհրդարանական ընդդիմությանը՝ նրանց կոչ անելով վերադառնալ բնականոն քաղաքական գործընթացին, այն է՝ խորհրդարանական ձևաչափին: Թող ցանկացած քաղաքական ձևաչափով, այդ թվում՝ կոմիտեների լսումները և լիագումար նիստերը, հասարակությանը ներկայացնեն իրենց փաստարկները, նաև այն, թե ինչին իրենք համաձայն չեն»,- պարզաբանել Է Թալակվաձեն խորհրդարանի բյուրոյի նոյեմբերի 26-ի նիստի ժամանակ: