ԵԺԿ-ին մտահոգում են Հրայր Թովմասյանի դեմ հարուցված քրեական գործը և նրա հանդեպ սպառնալիքները. Ժոզեֆ Դոլ

Եվրոպական Ժողովրդական կուսակցության (ԵԺԿ) նախագահ Ժոզեֆ Դոլն իր թվիթերյան պաշտոնական միկրոբլոգում անդրադարձել է Հայաստանում Սահմանադրական դատարանի շուրջ ստեղծված իրավիճակին:

Նա, մասնավորապես, նշել է.

«Եվրոպական ժողովրդական կուսակցությունը (ԵԺԿ) անհանգստացած է Հայաստանի Սահմանադրական դատարանի նախագահ Հրայր Թովմասյանի դեմ հարուցված քրեական գործով և  նրա հանդեպ սպառնալիքներով: 

Հայաստանում սահմանադրական կարգը և օրենքի գերակայությունը պետք է երաշխավորված լինեն: Հայաստանի գործող իշխանությունները պետք հավատարիմ մնան Սահմանադրությանը, երաշխավորեն իշխանությունների հակակշռման, փոխզսպման և տարանջատման սկզբունքները:

ԵԺԿ-ն կոչ է անում եվրոպական և այլ միջազգային կառույցների՝ համակ ուշադրությամբ հետևել իրավիճակին և կանխել ցանկացած զարգացում, որը կարող է Հայաստանում ժողովրդավարության խաթարման պատճառ դառնալ»: